ليش هالكورس؟
كتير ناس بتدفع على الإعلانات الممولة، بتشوف لايكات وتعليقات، وبآخر الشهر المبيعات متل ما هي. المشكلة مو بالمنصة ولا بالميزانية، المشكلة إنو الإعلان بينعامل على إنه كبسة Boost، بينما هو عملية كاملة بتبلّش قبل الإعلان بكتير وبتكمل بعده.
بهالكورس رح تتعلم الطريقة اللي بيشتغل فيها الـ Media Buyer المحترف على فيسبوك وإنستغرام، خطوة بخطوة، من تحديد الهدف لحد ما تفتح الـ Ads Manager وتقرأ الأرقام وتعرف لحالك وين المشكلة ووين الحل.
مين المدرّب؟
حمزة لطفي، Meta Performance Media Buyer، بخبرة 4 سنين بالسوق السوري، وقبلها اشتغل على حملات بالأردن والخليج وأوروبا وبريطانيا. أدار أكتر من 12 حساب إعلاني على Meta بإنفاق تجاوز 55 ألف دولار، وحملات حققت أكتر من 210 مليون ظهور وأكتر من 6.7 مليون نقرة، لبراندات بمجالات متنوعة: مطاعم وحلويات، تطبيقات موبايل، متاجر إلكترونية ووكالات.
شو رح تتعلم؟
1. أساسيات الـ Media Buying: العملية كاملة بمراحلها الخمسة، وكيف تحدد هدف واضح وقابل للقياس.
2. الترافيك المستهدف: الفرق بين زوار عشوائيين وزوار عندهم نية شراء، وأنواع الاستهداف الديموغرافي وبالاهتمامات والسلوكي.
3. فيسبوك وإنستغرام كمنصة إعلانات: كيف بتشتغل الخوارزمية، وكيف بيتقرر مين بيربح بالـ Ad Auction، وأنواع أهداف الحملات.
4. بناء صفحة احترافية: تجهيز صفحة بتبني ثقة وبترفع التحويل قبل ما تصرف أي قرش.
5. أنواع الإعلانات والكوبي: صورة، فيديو، كاروسيل، ستوريز وإعلانات ديناميكية، وكتابة إعلانات بصيغة AIDA.
6. حملات التحويل والـ Optimization: الفرق بين حملة Traffic وحملة Conversion، ومرحلة التعلم وليش ما لازم توقف الحملة بكير.
7. لغة الأرقام: CTR وCPC وCPM وCPA وROAS والـ Frequency، وكيف تربطهم ببعض وتشخّص المشكلة.
8. أدوات التتبع: تركيب الـ Pixel والـ Conversion API، وتتبع الـ Events، واستخدام Google Analytics.
لمين هالكورس؟
• أصحاب المشاريع والمتاجر اللي بدهم يديروا إعلاناتهم بنفسهم بدون ما يحرقوا مصاري.
• المبتدئين اللي بدهم يدخلوا مجال الـ Media Buying ويشتغلوا فيه كمهنة.
• مسوقين السوشال ميديا اللي بدهم ينتقلوا من النشر للإعلانات الممولة بنتائج قابلة للقياس.
كيف الكورس مبني؟
الكورس مقسوم على 8 موديولات مبنية على بعض. كل درس فيه شرح بسلايدات واضحة، وأمثلة عملية من السوق السوري والأردني والعربي، وكل درس بيخلص بتمرين تطبيقي على مشروع بتكمل عليه طول الكورس، لحتى توصل لآخره وعندك خطة حملة كاملة جاهزة للتنفيذ.
ما بتحتاج أي خبرة سابقة. كل اللي بتحتاجه حساب فيسبوك ورغبة تتعلم وتطبّق.
اطلع على الأسئلة الشائعة المتعلقة بهذه الدورة.
تتضمن هذه الدورة 0 أقساماً، و0 دروساً، و0 من المواد التعليمية.
رد على التعليق